Himni i UEFA Champions League nuk do të luhet në Angli dhe Skoci për ndeshjet e kësaj jave.Sipas “The Telegraph”, melodia e famshme e shkruar nga kompozitori anglez, Tony Britten në vitin 1992, nuk do të luhet për shkak të ndarjes nga jeta të mbretëreshës, Elizabeth II.Në kujtim të Mbretëreshës, përveç mos luajtjes të himnit, skuadrat do të mbajnë një shirit të zi dhe do të mbahet një minutë heshtje para ndeshjeve.Këtë të martë, Liverpool do të përballet me Ajax në “Anfield”. Ndërsa të mërkurën, Manchester City pret Borussia Dortmund në “Etihad” dhe Chelsea pret Salzburg në “Stamford Bridge”. Në “Ibrox”, Rangers përballet me Napoli-n.Sa i përket skuadrave të tjera britanike, Tottenham do të luajë jashtë kundër Sporting Lisbonës të martën në mbrëmje. Celtic do të luajë me Shakhtar Donetsk në terren neutral, në Varshavë, për shkak të konfliktit në Ukrainë.Klubet britanike do të kthehen në fushë në garat evropiane pasi të gjitha ndeshjet e fundjavës së kaluar u shtynë. Premier League do të rifillojë fundjavën që vjen.
