Repri i njohur nga Kosova Mozzik, emri i vërtetë i të cilit është Gramoz Aliu gjithmonë ka pasqyruar jetën e tij personale nëpër tekstet e këngës. Ai ka treguar rreth ndarjeve, lidhjeve, të bijës, problematikave apo të mirave përmes vargjeve. Sikurse ka bërë së fundmi, me këngën me titull “Të dua” që është sërish një këngë për vajzën e tij dhe Loredanës, Hanën. Ish-çifti ishte një nga më të komentuarit në showbiz, vite më parë, kur konfirmuan lidhjen e tyre dhe më pas u bënë bashkëpunëtorë edhe në muzikë me Loredanën që korri sukses ndërkombëtarë edhe në Zvicër e Gjermani. Pak pasi u bënë prindër ata i dhanë fund lidhjes së tyre në 2019, për tu ribashkuar një vit më vonë në 2020. Megjithatë bashkimi nuk zgjati shumë pasi dy reperët sërish u ndanë në 2021.
Të dy kanë pranuar se ndonëse duhen shumë nuk mund të jenë bashkë për shkak të kokëfortësisë dhe përplasjeve të shumta. Megjithatë, dëshira e fansave për t’i parë sërish bashkë është e madhe. Ndonëse me deklaratat e tyre të fundit duket se diçka e tillë nuk do ndodhë më. Mozzik e nis këngën e tij me një bashkëbisedim me të bijën, të cilës i thotë se “sot gëzoj shumë suksese t’mdhaja. I kam kejt çfarë kam dashur me pas n’jetë po veç ty s’të kam afër”. Kjo pasohet nga Hana e cila thotë se ‘Unë e du babin shumë..’
Përmes vargjeve, reperi tregon se si Hana e pyet pse ai dhe Loredana nuk janë bashkë dhe se si e sheh në ëndërr me dike tjetër, referuar një partneri të mundshëm të ish-gruas së tij: “Tash je rrit, nuk je mo njejt/Po m’bon pyetje, po m’lun kejt/” Pse s’po vjen me mu e me mamin me flejt?”/Si ktyne herë ti n’midis na dy /Keq po nihna tepër qe sot këtu nuk t’kam/ Se pramë t’pashë ëndërr dorë për dore/Me tjeter kon e jo me babin tënd.”
Duke rrëfyer për mungesën e madhe që ndjen çdo ditë për Hanën, reperi shprehet se nuk do që t’ia lëjë askujt fajet: “Mos pytni “A je mirë?” kur çdo ditë diçka mungon/Vështirë, vështirë o mos me t’pa tetë muj/ E me t’u dokë baba yt si i huj, fajet ma mirë po rri/Kërkujt s’p ja gjuj, ishalla s’po vje reni dhe kësaj hеre unë po shuj /Sa e sa lulja m’qëlloi me gjеmba/ S’po m’vyn fama, paret kur bashkë s’jena/ O çika jem kur të pyesin në shkollë “Kë e ke bab, çfarë ke me ju thonë?/ Që je rritur veç me nënë se prindërit shumë të rinj i ke pas të ndamë/ Kur të të pyesin ‘A e sheh shpesh”, bëj sikur s’po merr vesh/ Kur të të thonë që “babën e ke të keq, thuju ‘mshelni gojën se ju s’dini për çdo sen”.
Po ashtu ai prek edhe raportin e Hanës me prindërit e tij të cilët po ashtu u vuajnë distancën me mbesën e tyre: “Edhe gjyshi u mëzit, u myt tu prit me të kallëzu përrallat me t’i lexu poezitë/ Edhe gjyshja shpeshherë ia fut vajit, s’po i pëlqen dashnia përmes ‘Skype’-t”. Duke u ndalur te ndarja me Loredanën, Mozzik thotë se është më mirë mos të tregojë gjë sepse është shumë e rëndë:
“Han’, edhe pak e di ke më m’pyt pse me mamin na u ndamë/ Ka me qenë më mirë un’ sen mos me thon se po të kallëzova është tepër e rëndë/ E nëse natën ki temperaturë s’e ke babin aty me t’kap në durë/ E me t’çu në shkollë me veturë/ Këto sene s’ki me i pas kurrë, veç dije se me mua gjith’ ke me u mburr”.
Megjithatë, ai e pranon se Loredana do gjejë një ditë një partner të ri që do hyjë edhe në jetën e Hanës, të cilës i kërkon mos ta zëvendësojë e harroj dhe i premton se do e dojë deri në fund të jetës. “Edhe kur mami të njoftohet me dikën, ose më mirë kur ta gjen dikën/ Mos më harron se s’ka njeri që më zëvendëson/ Ka me kon baba yt derisa shpirti të më lëshon/ E pas disa vitesh kur këtë këngë e dëgjon/ Rritesh e kupton/ Zoti vonon por nuk harron/ Përgjithmonë ki me m’pas në krahin tënd/ Han’…
