Motrat Kardashian janë gjithmonë në qendër të vëmendjes për linjat e tyre. Kujdestarja e fëmijëve të Kourtneyt ka treguar në blogun e kësaj të fundit recetën e çajit që përdorin motrat e famshme për të rritur imunitetin. Çaji kombinohet me shafran dhe xhinxher. Është i përshtatshëm për t’u konsumuar në mëngjes esëll.
Receta për 2 persona:
Përgatitja për 15 minuta
Përbërësit:
1 litër ujë
1 mollë e kuqe (të ndarë në katër copa)
2 shkopinj kanellë
8 karafila të thatë
¼ e lugës së çajit me shafran
Pak xhinxher
1 tufë mente
1 limon
¼ e lugës së çajit me kardamon
Mjaltë
Përgatitja:
Bashko ujin me mollën, kanellën, karafilin, shafranin, xhinxherin, menten dhe kardamonin në një enë të madhe. Shtrydhni gjysmën e limonit në enë, gjysmën tjetër e presim hollë. Vëreni të gjithën të ziejë për 10 minuta, të mbuluar. Shtoni 1 lugë çaji me mjaltë në fund të secilës gotë. Kulloni çajin mbi mjaltë që të tretet.
