Sikurse është bërë me dije tashmë, moderatorja shqiptare Jonida Vokshi, do prezantojë netët ‘live’ në “Big Brother VIP Kosova” krah Alaudin Hamitit.
Së fundmi Jonida ka realizuar një bisedë virtuale me ndjekësit e saj ku shumica prej tyre janë kurioz të dijnë më shumë detaje të pazbuluara rreth spektaklit i cili pritet të nisë shumë shpejt.
Por në mes të tyre një ndjekës e ka pyetur moderatoren nëse ka në plan të bëjë një fëmijë të dytë. Pa ngurruar aspak, Vokshi është përgjigjur me anë të një fotoje ku shfaqet me vajzën e saj dhe krahas shkruante: “A lihet vetëm kjo dashuria”, duke lënë të nënkuptojë se një motër ose një vëlla mund të jetë në planet e afërta për të.
Madje disa kohë më parë aktorja u përfol për një shtatzëni të mundshme për shkak të një postimi i cili u keqkuptua dhe i hodhi menjëherë poshtë aludimet por ka shprehur gjithashtu dhe dëshirën që të të zgjerojnë familjen e tyre.
Shkak u bë një foto e çiftit e postuar nga moderatorja e cila shkruante “Nuk e kam veç mashkullin tim. E kam familje që do e zgjerojmë së shpejti. E kam jetë”.
“Unë kisha në mendje diçka tjetër dhe u shpreh në një mënyrë ndryshe. Më erdhi një moment t’i shprehja dashurinë tim shoqi dhe ideja ishte të zgjerojmë familjen pa afat kohor. Jo tani. Dhe në momentin që Besniku sheh postimin e bën repost dhe më thotë: “Më fal mos u mërzit por më ka shkruar gjithë shoqëria se do bëhem baba për herë të dytë”. Ne e kemi në plan të zgjerojmë familjen por kjo nuk ka kohë. Kurdo të vijë është i mirëseardhur.”- u shpreh ajo.
Vlen të theksohet se vitet e fundit jeta e saj ka qenë e ndarë mes Prishtinës dhe Tiranës pasi u martua me producentin nga Kosova, Besnik Krapi.
