Gola shqiptarë në Kupën e Turqisë. Në raundin e 1/64, Ankara Keciorengucu fitoi 4-1 me Diyarbekirspor në shtëpi. Për vendasit shënuan Uerdi Mara dhe Bekim Balaj. Në këtë 90 minutësh te goli ka dalë edhe ish-sulmuesi i Kukësit, Patrick Friday Eze.
Dueli do hapej nga Uerdi Mara, me ish-fantazistin e Skënderbeut që shënoi gol nga pika e bardhë e penalltisë pas vetëm katër minutave lojë. I afruar në Turqi verën që lamë pas, Mara ka filluar të bëjë protagonistin në ekipin e ri. Në të 66 minutë ishte radha e Eze, ndërsa Bekim Balaj do shënonte në fundin e sfidës. Për shkodranin ky gol vjen në një kohë kur pret ftesën nga Edy Reja për ndeshjen miqësore të Kombëtares kuqezi kundër Arabisë Saudite.
