E ardhmja e Cristiano Ronaldos dhe Messit mendohet larg ekipeve respektive si Manchester United dhe Paris St Germain dhe gjatë gjithë kësaj kohe janë tentuar nga klube interesante .
Parizienët po mendojnë një superofertë për të penguar largimin e argjentinasit nga ‘’ Parque de Prince ‘’ ndërsa luzitani me siguri do të bëjë gati valixhet për tu larguar në fundin e sezonit nga ‘’ Old Trafford ‘’.
Për ‘’ La Pulgan ‘’ flitet edhe për një rikthim të mundshëm tek Barcelona ndërsa për ‘’ Cr7 ‘’ Sportingu i Lisbonës shikohet si destinacioni final.
Megjithatë Inter Miami është përfshirë në këtë histori për t’ia ndërruar mendjen yjeve të futbollit botëror pasi pronari i amerikanëve David Beckham ëndërron të formojë një dyshe ëndërrash në ofensivë dhe nëse objektivin do ta realizojë sigurisht do të ishte një ndër historitë më të bukura në botën e futbollit.
Ish mesfushori i ‘’ Tre Luanëve ‘’ ka tentuar edhe Luis Suarezin së fundmi ,i cili realizoi ëndërrën e të veshurit të bluzes së Nacionalit të Montevideos .
Në vitet e fundit Major League Soccer ka fituar shumë rendësi me afrimin e lojtarëve që bënë bujë në të kaluarën në Europë dhe kjo tendencë vijon të marrë rëndësi në çdo merkato. Gjatë një interviste ishi i Manchester United ka deklaruar :
“ Duam të afrojmë lojtarët më të mirë tek Inter Miami. Messi dhe Cristiano janë të preferuarit dhe shpresojmë ta arrijmë objektivin ‘’ , përfundoi 47 vjeçari .
