Francë- Ka apo jetë në Mars? Një zbulim i fundit ka dhënë prova se ekziston mundësia që një formë jete të ketë ekzistuar në sipërfaqen e planetit të kuq. Sipas shkencëtarëve, është e mundur që mikrobet marsiane mund të jetojnë ende nën tokë sot.
Sipas Boris Sauterey, një biolog në Institut de Biologie de l’École Normale Supérieure në Francë, lloji i krijesave që evoluan në Mars mund të kenë bartur farat e shkatërrimit të tyre. Mikrobet që prodhojnë metan, ose metanogjenët, që lulëzuan në historinë e hershme të Planetit të Kuq mund të kishin shkaktuar një ngrirje të thellë në të gjithë planetin, duke përjashtuar evolucionin e formave më të larta të jetës. Ai shtoi se efekti i jetës në klimën e Tokës mund të jetë unik në galaktikë dhe se shumica e planetëve për ironi mund të jenë bërë të pabanueshme nga vetë jeta.
“Sapo vendosni metanogjenët në Mars, klima ftohet me 20 deri në 40 gradë, planeti mbulohet me akull dhe potencialisht bëhet krejtësisht i pabanueshëm. Ky mund të jetë rregulli i përgjithshëm në univers dhe Toka mund të jetë një përjashtim,” thotë Boris.
