Victoria Beckham kidhte për djalin, Brooklyn Beckham dhe nusen e tij Nicola Peltz, një mesazh të përzemërt, pasi ata hodhën poshtë thashethemet për grindje në fillim të kësaj jave me një ribashkim në shfaqjen e saj në ‘Paris Fashion Week’. Dizajnerja e modës, 48 vjeç, sndau në Instagram një foto të çiftit së bashku me mesazhin: “Ju dua shumë të gjithëve”, të cilin Nicola vazhdoi ta ripostonte në llogarinë e saj në Instagram.
Victoria gjithashtu publikoi një foto të prindërve të saj Jackie dhe Anthony Adams me çiftin, me yllin në dukje të kënaqur që gjërat po shkojnë në rrugën e duhur. Kjo vjen vetëm disa ditë pasi Brooklyn dhe Nicola morën pjesë në shfaqjen debutuese të Victorias në ‘Javën e Modës në Paris’ të premten, ku më në fund shuan spekulimet se nuk kanë raporte të mira me Victorian. Më tej, postimi i Victorias shfaqi Nicola dhe Brooklyn – si dhe anëtarë të tjerë të familjes – në audiencë në shfaqjen e saj të modës. Çifti shkëlqeu me bluza të zeza dhe xhinsa ndërsa iu bashkuan pjesës tjetër të klanit Beckham, përfshirë David Beckham, në ngjarjen në kryeqytetin francez.
Gjatë shfaqjes Victoria u pa duke biseduar me djalin e saj Brooklyn, ndërsa Nicola shoqërohej me të dashurën e Cruz, Tana Holding. Çifti mbërriti gjysmë ore më herët për të treguar mbështetjen e tyre ndaj dizajneres dhe të gjithë si familje u ribashkuan për herë të parë pas dasmës së Brooklyn. Pasi hynë në sfilatën e shumëpritur të modës të Victorias, çifti u ul në rreshtin e parë me David, Harper, Romeo dhe Cruz. Victoria nuk mundi t’i mbante lotët teksa po doli në pistën e shfaqjes së saj debutuese në ‘Javën e Modës në Paris’ – duke zgjatur dorën për të përqafuar bashkëshortin e saj David gjatë paraqitjes. Më pas, familja u mblodh për të festuar me kokteje, siç tha një burim për ‘Daily Mail’: “Kishte shumë buzëqeshje dhe shumë dashuri mes tyre, ishte një atmosferë e mrekullueshme familjare”.
