Kryetari i Grupit Parlamentar të Partisë Socialiste Taulant Balla deklaroi sot në seancën plenare se personat Non Grata nuk lejohen të blejnë prona në portin e ri të Durrësit.
Sipas Ballës qeveria shqiptare ka qenë shumë e kujdesshme që një ndër kushtet që i vendoset investitorit është që asnjë qindarkë nga burime personash të shpallur non grata nga SHBA apo persona nën sanksione të mos arrijë të penetrojë në investim.
“Të gjitha gënjeshtrat që tha Saliu për emra personash që lidhen me fondin e Emiratet e Bashkuara Arabe në këtë investim asnjë prej personave me mbiemrat e çuditshëm nuk është pjesë në këtë investim. Saliu është mashtrus. Qeveria shqiptare ka qenë shumë e kujdeshshme që një ndër kushtet që i vendoset investitorit është që asnjë qindarkë nga burime personash të shpallur non grata nga SHBA apo nga persona nën sanksione të mos arrijë të penetroje në investim. Bërtitja e Saliut vika nga fakti që Saliu, Zeni apo e të tjerë nuk do të kenë mundësi të blejnë prona në Portin e Ri të Durrësit”, deklaroi Balla.
