Në astrologji, një shenjë e zodiakut konsiderohet e preferuara e fatit, dhe ai është Shigjetari. Kjo është për shkak të sundimtarit të tij Jupiter, planeti i lumturisë, prosperitetit, bollëkut dhe fuqisë. Edhe pse Shigjetari është një shenjë me fat falë ndikimit të planetit të tij ne pushtet, këta njerëz të guximshëm ka të ngjarë të krijojnë vetë mundësi të mira me kombinimin e optimizmit, shpirtit aventuresk dhe vetëbesimit. Shigjetarët janë të hapur, të shoqërueshëm, simpatikë, kureshtarë në natyrë dhe gjithmonë e shikojnë jetën nga ana e ndritshme. Edhe kur kalojnë sfida nuk e humbasin kurrë optimizmin dhe pikërisht kjo është superfuqia e tyre. Për ta vazhdimisht hapen mundësi të mëdha dhe ata arrijnë sukses në dukje pa shumë përpjekje. Kjo jo vetëm për shkak se ata janë të preferuarit e yjeve, por edhe për shkak të kuriozitetit të tyre, dëshirës për përvoja të reja dhe natyrës fleksibile, e cila i lejon ata të jetojnë në momentin dhe të përshtaten me sukses me rrethanat. Ata janë të gatshëm për të marrë rreziqe, të cilat zakonisht shpërblehen në jetë. Ata janë të patrembur, të shkathët dhe të aftë për të përfituar maksimumin nga çdo situatë, dhe vetëbesimi i tyre i inkurajon ata të luftojnë për atë që duan. Duke qenë se kanë një qëndrim optimist dhe nuk kanë frikë nga sfidat, nuk është për t’u habitur që shpesh janë të lumtur, të kënaqur dhe të suksesshëm në jetë.
