Kombëtarja shqiptare e futbollit luan në 9 nëntor miqësoren me Katarin në Spanjë. Me fillim në 18:30, në Marbella trajneri Edi Reja do ketë të gatshëm lojtarët nga Superliga shqiptare si dhe ata që nuk kanë marrë shumë minutë në ndeshjet e kuqezinjve. Në lidhje me këtë duel dhe për të mos cënuar garën në Superligë, ndeshjet e javës së 12-të janë spostuar me një javë. Të programuara për në 6 dhe 7 nëntor, duelet do zhvillohen në 12 – 13 nëntor. Kësisoj, Kombëtarja ka ndikuar në spostimin e Superligës me një javë, gjë që është miratuar edhe nga FSHF. Kujtojmë se në 26 tetor Shqipëria barazoi 1-1 me Arabinë Saudite në Abu Dhabi, po në një test miqësor të zhvilluar me lojtarët e Superligës. Veç Katarit, në 16 dhe 19 nëntor Shqipëria luan në “Air Albania” me Italinë dhe Armeninë në miqësoret e radhës.
