Maroku u bë kombi i parë afrikan që u kualifikua në gjysmëfinalen e Kupës së Botës FIFA 2022 dhe ndërsa skuadra marokene ka shumë emra yjesh, mbrojtësi Achraf Hakimi ka shkëlqyer pasi shënoi penalltinë fituese kundër Spanjës. Hakimi impresionoi me paraqitjen e tij, por dhe jeta e tij private nuk ka mbetur pa u komentuar. Hakimi, 24 vjeç është i martuar me aktoren Hiba Abouk, 36 vjeç. Kohët e fundit, gruaja e Hakimit, ka qenë në qendër të vëmendjes pasi shumë aktiviste ngritën kritika në lidhje me stilin e veshjes së saj paksa zbulues.
Gruaja e Hakimit është me profesion aktore dhe njihet për rolet e saj në seriale të ndryshme televizive. Hakimi u takua me gruan e tij në vitin 2018 kur ai luante për Borussia Dortmund në Gjermani. Hiba, një aktore me origjinë tuniziane dhe libiane ka lindur gjithashtu në Madrid të Spanjës, ashtu si bashkëshorti i saj. Pasi u takuan për dy vjet, ata vendosën të martoheshin në vitin 2020 dhe në kohën kur Hiba kishte ndërtuar tashmë karrierën e saj.
Achraf Hakimi dhe Hiba Abouk ishin gjithashtu në qendër të vëmendjes kur u shfaqën në kopertinën e revistës Vogue Arabia, në tetor. Çifti ka dy djem, i pari i lindur në shkurt 2020 dhe i dyti i lindur në shkurt 2022.
