Kryetari i komanduar i Partisë Demokratike, ka komentuar nga qyteti i Sarandës nëse do t’i zgjedhë primaret e “Rithemelit”.
Alibeaj u tregua i prerë duke u shprehur se është vendosur që Partia Demokratike do të futet në zgjedhje, duke e cilësuar grupin që ai drejton si forcën më të madhe opozitare në vend.
“Unë kam një detyrim në këtë pozicion që jam si drejtues i Partisë Demokratike, të zbatoj aktet dhe vendimet e strukturave të Partisë. Pak kohë më parë janë mbledhur kryesia dhe kolegji i kryetarëve dhe në këto takime është shtruar pikërisht kjo cështje dhe është vendosur që PD do të futet në zgjedhje.
Në e bëmë një gabim në 2019, leksionet e së cilës të hidhura i morën në 2019. Megjithatë PD, jo thjesht dhe vetëm si simbolikë por si forca kryesore e opozitës nuk mund t’i shmanget procese zgjedhor.
Ne kemi pasur qasje të bëra publike lidhur me krijimin e strukturave paralele nga një pjesë tjetër e demokratëve. Për të mos krijuar këtë ndarjen e madhe që në prill grupi parlamentar paraqiti një platformë që ndarja të mos ishte një nga qasjet që do të vinte para zgjedhjeve lokale, kjo nuk u pranua.
Dy muaj më parë një platformë e nxjerrjes së kandidatëteve primarëeve fitues të përbashkët, për një arsye fare të thjeshtë. Përballja me regjimin kërkon mobilizim të cdo fluksi anti-qeveritar.
Si bëhet kjo?
Kush janë fluksi, janë shqiptarët, elektorati gri. Për t’i pasur ata me vete, e për ta bërë këtë mënyra do të ishte që të kishim një kandidat, “ka thënë ndër të tjera Alibeaj.
Enkelejd Alibeaj thotë se nuk do të njohë kandidatët e dalë nga primaret, për të garuar nën siglën e Partisë Demokratike në zgjedhjet e 14 majit. “Nuk mund të ketë një kandidat të PD-së që garon me siglën e Partisë së Lirisë, kjo është jashtë çdo kuptimi. Ka vetëm një gjë, sigla, emblema, ideali, ajo që quhet Partia Demokratike”, tha Alibeaj në një prononcim për mediat nga Saranda, ku kishte marrë pjesë në një takim me anëtarët e degës.
Alibeaj pranon se opozita duhet të bashkojë forcat për të mundur socialistët, por nuk e sheh me shumë optimizëm përfshirjen e Ilir Metës në koalicion. “Armiku, kundërshtari këtu është Edi Rama, e për pasojë duhen bashkuar forca. Secila prej partive të tjera politike kanë të drejtën të pozicionohen siç duan. Unë them një gjë, forca kryesore, mbështetja kryesore, shpresa kryesore është Partia Demokratike e Shqipërisë. Asaj do të duhet t’i bashkohemi, ajo është rruga e vetme”, tha Alibeaj.
“Kemi pasur edhe qasje të bëra publike lidhur me krijimin e strukturave paralele nga një pjesë tjetër e demokratëve. Në prill, grupi parlamentar paraqiti platformë për të mos krijuar ndarje. Nuk u pranua. Dy muaj më parë, një platformë e nxjerrjes së kandidatëve të përbashkët, fitues. Sepse përballja me regjimin kërkon mobilizim të çdo fluksi antiqeveritar”. Në përgjigje të akuzave nga grupimi Berisha se ai bashkëpunon me shumicën, Alibeaj tha: “Unë bashkë me Edi Ramën? Pak më parë është bërë publike se kush ka qenë me Edi Ramën që në vitin 1991”.
