Vdekja e futbollistit Christian Atsu, trupi i të cilit u gjet në rrënojat e qytetit Hatay, ka trishtuar botën e futbollit dhe, në veçanti, ata që e njihnin më mirë.
Ky është rasti i Mohammed Kudus, sulmuesit ganez, bashkatdhetar i Atsu, i cili në pjesën e dytë të ndeshjes Ajax-Sparta Rotterdam, festoi golin e rezultatit 4-0 në favor të “Harkëtarëve”, duke ia dedikuar mikut të tij: “R.i.p. Atsu”.
Një dedikim që u bë përmes një fanelle të shfaqur para kamerave: një praktikë që, në një kontekst normal, do të kishte detyruar arbitrin të nxirrte automatikisht kartonin e verdhë. Por nuk ka absolutisht asgjë normale në të këtë rast: arbitri i ndeshjes, z. Pol van Boekel, tregoi mirëkuptim, duke e anashkaluar rregulloren.
