Në “Allianz Arena” Bayern Munich fitoi 5-3 me Augsburgun, për javën e 24-t në Bundesligë. Bavarezët e Nagelsmann e gjetën veten në disavantazhin e një goli që në minutën e tretë. Shqiptari Mërgim Berisha tundi rrjetën e Sommer, teksa më pas nisi “festivali” i golave. Cancelo në të 15, Pavard në minutën e 19 dhe 35 dhe Sane në të 45 e dërguan rezultatin në pjesën e parë 4-1. Edhe 45 minutat e dyta ishin me gola, teksa sërish Mërgim Berisha shkurtoi shifrat për miqtë. Davies shënoi për Bayern (74′), ndërsa në fundin e ndeshjes Cordona (90+3) mbylli duelin në 5-3.
