Marrëdhënia Keisi-Kristi është vënë në pikëpyetje përgjatë ditëve të fundit në Big Brother Vip, kjo pasi modelja ka zgjedhur të distancohet duke qëndruar më e ftohtë në këtë raport.
Ditën e sotme ajo ka zgjedhur të flasë me Oltën për ndjenjat që ka ndaj Kristit duke e cilësuar atë një pëlqim dhe jo dashuri, edhe pse javën e shkuar ishte e gatshme të linte shtëpinë në rast se Kristi eliminohej. Keisi tha se nuk e ka pyetur asnjëherë Kristin për gjërat që ka lënë pezull jashtë. Ajo tha se nuk e ka puthur asnjëherë vetë ajo e para atë, për shkak se nuk e ka ndjerë një gjë të tillë.
“Thashë tani fillon loja ime. Më kapi ankthi u mërzita, Nga një njohje u bë si lidhje dhe u krijua kjo jo gruaja, burri, vjehrri. Nuk jam gati për këtë gjë. Ne pëlqehemi nuk dashurohemi.
Mua këto gjëra më erdhën shumë shpejt dhe gjërat që vijnë shumë shpejt nuk janë të bukura. Kjo gjë po më frikëson shumë vërtetë. Unë nuk e kam pyetur për gjërat që ai ka lënë pezull. Nuk e shikon shumë të përfshirë me mua.
Unë nuk e kam puthur ndonjëherë. Ai ka ardhur më ka puthur. Dy herë mund të jemi afruar kur e kam ndjerë. Unë kam harruar veten dhe kjo gjëja po më shkatërron shumë”, tha Keisi.
