Problemet në marrëdhënie
Tensionet mes një çifti mund të dëmtojë jetën e tyre seksuale. Grindjet për çështje që nuk kanë të bëjnë fare me seksin, si financat apo rritja e fëmijëve, mund të ndikojnë.
Ankthi për performancën
Shumë herë një person shqetësohet aq shumë për performancën e tij seksuale saqë nuk e shijon më vetë aktin ose madje as nuk hyn në procesin e marrëdhënies seksuale.
Ankthi i performancës është i zakonshëm si tek meshkujt ashtu edhe tek femrat teksa i afrohen moshës 50 vjeçare.
Imazhi trupor dhe vetëvlerësimi
Ka shumë gjëra që mund ta bëjnë dikë të ndihet më pak seksi. Lindja e fëmijës, dieta e varfër, shtimi në peshë ose rënia e flokëve janë faktorë që shpesh e bëjnë një person të ndihet më pak i dëshirueshëm.
Pra, kur këto lloj ndjenjash shfaqen, krijojnë pengesa për intimitetin dhe frymëzimin që kërkon seksi i mirë.
Pritjet dhe përvojat e kaluara
Seksualiteti është një instinkt natyror që na shoqëron që nga lindja, por familja, kultura, besimet fetare dhe mjedisi shoqëror formojnë pikëpamjet tona për seksin.
Për disa njerëz krijohet imazhi i kënaqësisë nga seksi, ndërsa për të tjerët imazhi rreth marrëdhënieve seksuale bëhet i ndërlikuar.
Stresi dhe ndryshimet në jetë
Stresi dhe lodhja mund të shtypin lehtësisht, dhe shpesh pa e kuptuar ne, dëshirat tona seksuale. Është diçka që vjen nga çdo aspekt i stilit të jetesës, duke filluar nga kërkesat e fëmijëve, shqetësimet financiare dhe çështjet shëndetësore, deri te pritshmëritë në punë dhe jo vetëm. Pra, kur e mbingarkojmë përditshmërinë dhe mendjen tonë, stresi që krijojmë na bën të shkëputemi nga partneri dhe marrëdhënia me të, pavarësisht nëse flasim vetëm për pjesën seksuale apo për ndonjë gjë tjetër.
