Sulmuesi i Manchester United në Angli, Mason Greenwood po përgatitet të martohet me partneren e tij shtatzënë, Harriet Robson, pasi është liruar nga akuzat për përdhunim që kjo e fundit ngriti ndaj tij muaj më parë.
Futbollisti 21-vjeçar u arrestua dhe u akuzua për sulm seksual dhe sjellje shtrënguese vitin e kaluar, por Shërbimet e Prokurorisë së Kurorës i hoqën akuzat në shkurt të këtij viti.
Greenwood, i cili ka qenë jashtë aktivitetit për më shumë se një vit, aktualisht është në pritje të udhëzimeve nga Manchester United dhe është i etur për t’u rikthyer në karrierën e tij profesioniste.
Sipas raportimeve të The Sun, lojtari anglez ka ndarë planet e tij të dasmës me familjarët. Çifti u pa së fundmi në hotelin luksoz Langham në qendër të Londrës, duke ndezur thashethemet për një martesë të afërt.
