Napoli fitoi pastër 2-0 me Atalantën për javën e 26-të në Serie A. Kryesuesit e kampionatit nuk falën në shtëpi, duke bërë autokritikë pas humbjes me Lazion një javë më parë. Golat për djemtë e Spallettit u shënuan në pjesën e dytë. Në të 60 minutë, Kvaratskhelia realizoi pas një aksioni fantastik, duke treguar se është futbollisti më i mirë në Serie A për momentin. Në të 77 minutë Amir Rrahmani tundi rrjetën, duke siguruar tri pikët. Nga ana tjetër, te bergamaskët doli i dëmtuar në të 44 minutë Berat Gjimshiti. Në prag të eliminatoreve Euro 2024, duket një lajm i keq për kombëtaren shqiptare. Me 68 pikë Napoli prin Serie A, 18 pikë më shumë se Interi i vendit të dytë. Atalanta me 42 pikë është në vendin e gjashtë.
