Një grua në Brazil u gjet e varrosur e gjallë për 10 orë në një varr në varrezat e qytetit të Visconde do Rio Branco. Nëna e katër fëmijëve u rrah dhe u tërhoq zvarrë nga shtëpia e saj nga tregtarët e drogës.
36-vjeçarja u gjet nga rojet e varrezave, të cilët ishin të shqetësuar nga çimentoja e freskët dhe gjaku pranë vendit ku ishte varrosur 36-vjeçarja dhe e dëgjuan duke bërtitur për ndihmë, raporton Daily Mail. Autoritetet në Brazil arrestuan dy burra të moshës 20 dhe 22 vjeç. Të dy të rinjtë janë arrestuar më parë për akuzat e trafikut të armëve dhe drogës dhe do të qëndrojnë në paraburgim deri në 30 ditë. Autoritetet janë në kërkim të një të dyshuari të tretë. “Ka ende një person në arrati”, tha shefi i policisë.
Gruaja i tha policisë se ishte varrosur e gjallë sepse kishte vendosur gabimisht armët dhe drogën që dy sulmuesit i kishin dhënë.
Të dyshuarit hynë në shtëpinë e saj më 28 mars dhe sulmuan bashkëshortin e saj, i cili arriti të arratisej. Më pas ata arritën ta largonin nga shtëpia e saj dhe e çuan në varreza ku u vendos në varr. Gruaja vuri re se ishte bllokuar në varr pasi kishte rifituar vetëdijen.
