Presidenti rus Vladimir Putin i ka dhënë lamtumirën Silvio Berlusconit duke thënë se ai ishte një “mik i dashur” dhe një “politikan i shkëlqyer”.
“Për mua, Silvio ishte një person i dashur, një mik i vërtetë. Gjithmonë e kam admiruar mençurinë e tij, aftësinë e tij për të marrë vendime të balancuara dhe të thella edhe në situatat më të vështira”, tha Putin në mesazhin e tij të ngushëllimit.
Berluskoni do të mbahet mend në Rusi si një “mbështetës i qëndrueshëm dhe parimor i forcimit të marrëdhënieve miqësore midis vendeve tona”, tha ai.
Ashtu si ish-kancelari gjerman Gerhard Schroeder, Berlusconi kultivoi marrëdhënie të ngushta me Moskën gjatë viteve të para të Putinit në Kremlin.
