Sot më 12 qershor 2023, Silvio Berlusconi vdiq në moshën 86-vjeçare. Ish-kryeministri italian ishte shtruar në spitalin San Raffaele të Milanos që nga e premtja e kaluar pas një sërë kontrollesh për shkak të leuçemisë kronike.
Gjendja e manjatit italian ishte përkeqësuar muajt e fundit dhe disa anëtarë të familjes së tij kanë shkuar në spital. Nuk dihet nëse mes vizitorëve ishte edhe e dashura e Silvio Berlusconit, Marta Fascina, e cila është 53 vjet më e re se miliarderi.
Kush është Marta Fascina?
Berlusconi dhe Fascina e filluan lidhjen e tyre në vitin 2020, pasi imazhet e romancës së tyre u zbuluan ndërsa manjati italian ishte i martuar me Francesca Pascale. Pas skandalit, Berlusconi dhe Fascina filluan lidhjen e tyre dhe ndërtuan një marrëdhënie solide, aq sa më 19 mars 2022 ata festuan dashurinë e tyre, por jo një martesë. Pa vlerë ligjore, të dy e lidhën jetën e tyre së bashku pavarësisht refuzimit të fëmijëve të Berlusconit.
Si u njohën Marta Fascina dhe Silvio Berlusconi?
Marta Antonia Fascina, 33 vjeç është anëtare e Dhomës së Deputetëve të Italisë dhe i përket partisë Forza Italia, e njëjta parti e krijuar dhe e udhëhequr nga Silvio Berlusconi që nga viti 2013.
E lindur në Kalabri në vitin 1990, ajo u rrit në Napoli dhe studioi letërsi dhe filozofi në Universitetin e Romës. Pas largimit nga universiteti, ajo punoi si redaktore në Il Giornale deri në vitin 2018, kur bëri hapin drejt politikës në partinë e Berlusconit. Të dy u takuan gjithashtu përmes një miku të përbashkët, ish-CEO i AC Milan, Adriano Galliani.
