Gary Neville dhe Dele Alli shpërthyen në lot ndërsa mesfushori i Everton foli hapur për ngjarjet traumatike në jetën e tij. Alli zbuloi se kishte menduar të tërhiqej në moshën 24-vjeçare dhe së fundmi kaloi një periudhë rehabilitimi për të përmirësuar shëndetin e tij mendor.
27-vjeçari qëndroi jashtë pasi mori një dëmtim afatgjatë ndërsa ishte i huazuar te skuadra turke Besiktas dhe tani ka thënë: “Mendërisht jam në vendin më të mirë ku kam qenë ndonjëherë”. Por, duke u shfaqur në një episod të Neville’s The Overlap, ish-mesfushori dhe ndihmës trajneri i Anglisë u përlotën ndërsa Alli kujtoi një seri ngjarjesh të tmerrshme nga fëmijëria e tij.
Ish-ylli i Tottenham-it zbuloi se ishte ngacmuar seksualisht në moshën 6-vjeçare dhe filloi të merrej me drogë në moshën 8-vjeçare, më vonë ai u adoptua në moshën 12-vjeçare.
Alli tha gjithashtu se u bë i varur nga tabletat e gjumit në një përpjekje për të shuar traumën e tij mendore dhe shqetësimet, teksa problemi është më i përhapur në futboll.
Një moment që la Allin dhe Neville në lot, kur u pyet për fëmijërinë e tij, Alli tha: “Është diçka për të cilën nuk kam folur shumë, por ka pasur disa incidente që mund t’iu japin një kuptim të shkurtër. Në moshën gjashtë vjeç jam abuzuar seksualisht nga shoku i mamasë sime, i cila ishte shumë në shtëpi, mamaja ime ishte një alkoolike. Më dërguan në Afrikë për të mësuar disiplinën dhe pastaj më kthyen.
Shtatë vjeç fillova të pija duhan dhe tetë fillova të merrja drogë. Një person i moshuar më tha se nuk do ta ndalonin një fëmijë në biçikletë, kështu që unë do të ecja me topin tim të futbollit dhe poshtë do të kisha drogën. Më pas më varën poshtë urës me kokën poshtë, ishte një komshi. Në moshën 24-vjeçare mendova të tërhiqesha nga futbolli”, tha mes lotësh Alli.
