09 Korrik, Tiranë- Një nënë e re 24 vjeç e cila vunate nga probleme të rënda kardiake dhe foshnja e saj janë shpëtuar falë ndërhyrjes me sukses dhe bashkëpunimit të ekipeve mjekësore të QSUT-së dhe Maternitetit “Koço Gliozheni”.
Ministrja e Shëndetësisë dhe Mbrojtes Sociale Ogerta Manastirliu, ka ndarë lajmin e mirë për suksesin e këtij rasti të vështirë, teksa ka përgëzuar ekipet mjekësore.
“Kanë bërë një mrekulli” – I shpëtohet jeta foshnjes dhe nënës së re, e cila vuante nga probleme të rënda kardiake, pas një operacioni të vështirë, realizuar nga mjekët e Maternitetit “Koço Gliozheni”, në bashkëpunim me ekipin e Kardiokirurgjisë dhe Kardiologjisë të QSUT-së.
Grasjela ishte diagnostikuar hershëm me sëmundje kongenitale në zemër dhe një defekt intervertikular, i cili është korigjuar 20 vite më parë nga ekipi i Kardiokirurgjisë në QSUT, me diagnozë hipertension pulmonar residual. Sëmundja e nënës e kishte të kundërindikuar shtatzëninë, pasi rrezikonte në mënyre serioze jetën e saj.
Siç shprehen mjekët, rasti ishte shumë i vështirë, por ndërjyrja delikate e realizuar nga ekipi multidisiplinar dhe ndjekja e kujdesshme e të porsalindurit në Maternitetin “Koço Gliozheni” dhe të nënës së re më pas, në Shërbimin e Kardiologjisë, kanë shkuar mirë 🙏🏼dhe sot, 24-vjeçarja është kthyer me fëmijën e saj në shtëpi.
Urime Prof.Asc. Saimir Kuçi, Prof.Asc. Alfred Ibrahimi, Dr.Astrit Ceka, Dr.Vezir Tena, Dr. Ervis Vata, Dr.Genci Hyska, Dr.Nordjan Xhindi, Dr.Marjana Naçi, Dr.Guriel Nasto dhe infermieret Elona Llupo, Ediola Meçe, Vjollca Seitaj”,- shkruan Manastirliu.
