Një 75 vjeçar dyshohet se është hedhur në lumin Buna dhe është mbytur.
Raportohet se familjarët kanë denoncuar rastin në polici dhe kanë nisur kërkimet për gjetjen e tij.
Në vendngjarje ndodhen edhe polumbarët e RENEA-s.
Njoftimi i policisë:
Rreth orës 10:00, salla operative e Policisë Shkodër ka marrë njoftim nga familjarët e shtetasit N. Ç., 75 vjeç, banues në lagjen “Vojo Kushi”, Shkodër, se dyshohet që ky shtetas mund të jetë vetëmbytur në lumin Buna.
Shërbimet e Policisë kanë nisur menjëherë kontrollet. Janë njoftuar edhe polumbarët e RENEA-s, me qëllim gjetjen e këtij shtetasi.
