Sekretarja e Brendshme britanike Suella Braverman, teksa pritet të mbajë një fjalim në lidhje me krizën e refugjatëve, është shprehur se të qenit grua apo homoseksual nuk është arsye e mjaftueshme për të kërkuar azil. Ajo do të flasë me American Enterprise Institute, një institut i qendrës së djathtë në Uashington DC, për të përcaktuar planet e saj për të trajtuar krizën e refugjatëve. Braverman u shpreh se Konventa e Kombeve të Bashkuara për Refugjatët është e përshtatshme për epokën modern ku ne jetojmë.
Kjo nuk është hera e parë që sekretarja e brendshme vë në pikëpyetje ligjin ndërkombëtar – ajo ka sinjalizuar më parë pakënaqësinë e saj me Konventën Evropiane për të Drejtat e Njeriut dhe interpretimin e saj dhe ndikimin e mëvonshëm në politika si skema e dëbimit të qeverisë nga Ruanda.
