Këngëtarja e njohur Eneda Tarifa dhe basketbollisti Gent Lasku, kanë folur për herë të parë për historinë e tyre të dashurisë në një intervistë për “Aldo Morning Show”. Çifti bëri publike marrëdhënien e tyre në muajin korrik nga pushimet në Santorini.
Eneda Tarifa: Kemi ca kohë, konsiderueshëm për të kuptuar që është një lidhje e bukur dhe serioze…
Gent Lasku: Ashtu?
Eneda Tarifa: Që të tjerët nuk e kanë besuar…
Aldo: Edhe të ngacmoka ë?
Eneda Tarifa: Po sigurisht, ne kështu e kemi marrëdhënien, ngacmohemi. Sa i përket rrethanave të njohjes, besoj që do jetë për një moment tjetër si u njohëm se edhe ajo ka bukurinë e vet, ishte shumë e bukur.
Aldo: Si e pritën njerëz tuaj të afërm, njerëzit që ju rrethojnë përditë, qoftë të punës, të fisit?
Eneda Tarifa: Si e pritën…, nuk ka ndonjë çudi.
Gent Lasku: Ne ishim shokë.
Eneda Tarifa: Ne ishim shokë, pastaj më vonë lindi dashuria.
Aldo: Ah keni qenë shokë përpara?
Gent Lasku: Njiheshim.
Eneda Tarifa: Po kaq, pastaj sa i përket njerëzve që kemi vërdallë kemi vendosur që mos të dëgjojmë shumë, mos të marrim shumë energjinë e tyre sepse të them të drejtën sa herë që thua jam e lumtur, sikur marrin mësysh, nuk i bëhet njeriu qejfi, duhet të thuash jam keq, më kanë rrahur, jam viktimë e shoqërisë që të të duan.
