Një 39-vjeçar është vënë nën hetim në Tiranë, pasi në rrjetet sociale qarkulloi një video, i cili shihet duke keqtrajtuar një mace.
Menjëherë pas identifikimit të këtij shtetasi, është bërë e mundur ndalimi dhe shoqërimi në Komisariatin e Policisë Nr. 4.
Gjatë kontrollit në automjetin e 39-vjeçarit S. K, u gjet një armë sportive, e cila u sekuestrua në cilësinë e provës materiale.
Në vijim të veprimeve nisi procedimi penal për shtetasin S. K., për veprat penale “Keqtrajtimi i kafshës”, “Prishja e qetësisë publike” dhe “Prodhimi dhe mbajtja pa leje e armëve të gjuetisë dhe sportive”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
