Reali i Madridit është klub universal, me mbështetës në çdo cep të planetit. Nëpërmjet platformave digjitale, tifozët e “Los Blancos” nga e gjithë bota ndihen të lidhur me klubin e zemrës.
Kjo ka bërë që ekipi “merengues” të rrisë pak nga pak komunitetin e tij virtual derisa të arrijë një numër rekord. Dhe, sipas të dhënave nga mjeti analitik Blinkire, Reali i Madridit kalon 500 milionë ndjekës në të gjitha rrjetet e tij sociale, duke u bërë organizata e parë sportive që arrin këtë numër.
Klubi mbretëror ka 37 llogari zyrtare në të gjitha seksionet e saj dhe gjuhë të ndryshme në rrjetet e ndryshme sociale: Facebook, Instagram, WhatsApp, X (Twitter), Tiktok, YouTube, Line, Snapchat, Twitch, LinkedIn, Weibo, Wechat, Toutiao , Douyin dhe BiliBili.
Për më tepër, sipas të dhënave nga vetë Reali i Madridit dhe SimilarWeb, klubi gjeneroi 3,000 miliardë ndërveprime në një sezon dhe ka faqen e internetit më të vizituar të ekipit të futbollit në botë.
