Një 37 vjeçare është proceduar penalisht nga policia e Tiranës pasi akuzohet se shfrytëzonte fëmijët e saj të mitur për të lypur dhe ka kanosur me fjalë punonjësen sociale.
Sipas policisë në kuadër të parandalimit të rasteve të shfrytëzimit të fëmijëve në rrugë është bërë i mundur evidentimi i këtij rasti.
Kjo shtetase është konstatuar në rrugën “Dritan Hoxha”, së bashku me 4 fëmijët e saj të mitur, të cilët i kishte nxjerrë për të lypur. Gjithashtu, 37-vjeçarja, ka kanosur me fjalë, punonjësen sociale.
Kontrollet kundër kësaj paligjshmërie do të vijojnë në të gjithë kryeqytetin.
Drejtoria Vendore e Policisë Tiranë fton qytetarët që nëse do të konstatojnë raste të fëmijëve në situatë rruge, të telefonojnë në numrin pa pagesë 112.
