Kaotike ishte situata që u krijua sot te hyrja e Kryesisë. Deputetët demokratë u ndaluan të futen brenda në mbledhjen e Komisionit të Ligjeve me pretendimin se janë përjashtuar për 10 ditë nga seancat parlamentare. Por ata, nuk hoqën dorë.
Flamur Noka kaloi kangjellat dhe u fut brenda rrethimit, teksa kolegët e tij debatonin me punonjësit e Gardës. Më pas disa prej tyre u futën nga dritarja brenda. Te kjo e fundit u shfaq dhe kryedemokrati Sali Berisha me dy gishtat lart.
Noka kapërceu sërish kangjellat, dha një deklaratë për mediat e fill më pas ndihmoi deputetin Ervin Salianji të ngjitej nga dritarja, moment që në pamjet e kapura ngjan disi i sikletshëm.
