Bayer Leverkusen regjistroi fitoren e shtatë radhazi në kampionat, ndërsa ky ishte suksesi i 12-të në të gjitha kompeticionet.
“Aspirinat” triumfuan 4-0 ndaj Union Berlin në sfidën e vlefshme për javën e 11-të të Bundesliga-s, në një sfidë ku skuadra e Xabi Alonso-s dominoi gjithçka. Pjesa e parë u mbyll me golin e Grimaldo-s që shënoi në minutën e 23-të, ndërsa në pjesën e dytë vendasit festuan dhe tri herë të tjera.
Në minutën e 57-të, Kossounoi dyfishoi, ndërsa Tah çoi rezultatin në 3-0 në minutën e 73-të. Shtatë minuta nga fundi kohës së rregullt, Tella realizoi edhe golin e katërt.
Bayer Leverkusen tani konfirmohet dhe kryeson kampionatin me 31 pikë, dy më shumë se vendi i dytë, Bayern Munchen, ndërsa Union Berlin mbetet me 6 pikë dhe prek vendin e fundit.
