Anija kozmike pa ekuipazh Starship e SpaceX, e zhvilluar për të transportuar astronautë në Hënë dhe më gjerë, ka humbur kontrollin dhe ka shpërthyer, duke dështuar misionin e saj në hapësirë disa minuta pasi u ngrit gjatë provës së saj të dytë këtë të të shtunë.
Për herë të dytë, SpaceX u përpoq të niste Starship, raketën më të fuqishme të ndërtuar në histori, por përforcuesi Super Heavy shpërtheu në ajër. Për shkak të pamundësisë së kthimit të kontrolluar të raketës, u aktivizua sistemi i ndërprerjes së fluturimit, pra vetëshkatërrimit të saj.
SpaceX njoftoi se ata nuk ishin në gjendje të merrnin të dhëna nga Starship, pasi nuk pritej që të shpërthente përforcuesi Super Heavy. Kompania konfirmoi gjatë transmetimit të drejtpërdrejtë se ishte e detyruar të aktivizonte sistemin e ndërprerjes së fluturimit të Starship, i cili në thelb është një veçori vetëshkatërruese që SpaceX aktivizoi për të parandaluar devijimin nga kursi të Starshipit.
SpaceX përfundoi transmetimin e drejtpërdrejtë pak më vonë. Vlen të theksohet se, SpaceX nisi me sukses Starship në muajin prill të këtij viti, por raketa shpërtheu në ajër pas pak minutash. Sistemi Starship shkoi shumë më larg se përpjekja e parë e muajit prill, por përfundoi me një tjetër shpërthim.
