Kylian Mbappe është padyshim një nga lojtarët më të përfolur në botën e merkatos. Sulmuesi francez ka një kontratë me PSG e cila skadon në fund të sezonit, por që nga dita e sotme ai mund të negociojë me cilido ekip që ai dëshiron.
Emri i parë sigurisht që është Real Madrid, ku duket se tratativat janë në zhvillim e sipër. Real Madrid është prej kohësh në monitorim të sulmuesit francez dhe është i gatshëm t’i ofrojë yllit transalpin, golashënuesit më të mirë të Botërorit të kaluar, një kontratë faraonike.
Lajmi vjen nga Spanja, i raportuar nga transmetuesi i famshëm “El Chiringuito”: “Mbappe ka rezervuar strehim në Madrid, por asgjë nuk është zyrtare”. PSG po bën të pamundurën që ta bllokojë kalimin e yllit të saj drejt Madridit apo ndonjë klubi tjetër.
Një kontakt i ri pritet këtë javë, ndoshta ai vendimtar, për të kuptuar nëse Mbappe ka me të vërtetë synon të transferohet në Spanjë verën e ardhshme, duke u bashkuar me dy nga futbollistët e tjerë më të fortë në botë, Bellingham dhe Vinicius Jr.
