Sharjet janë bërë më të pranueshme gjatë dy dekadave të fundit, sepse përdoren gjithnjë e më shumë për qëllime të tjera sesa për të fyer njerëzit, thonë ekspertët e gjuhës. Sipas studiuesve akademikë, sharjet më të përdorura në Mbretërinë e Bashkuar përdoren shpesh për të theksuar një pikë në bisedë ose për të krijuar lidhje shoqërore, sesa me qëllimin specifik për të shkaktuar ofendim, shkroi Guardian.
Ekspertët i bënë komentet pasi prezantuesi i BBC-së, Mishal Husain, shau shtatë herë në më pak se një minutë gjatë një interviste me ministrin e brendshëm, James Cleverly. Robbie Love, profesor i gjuhës angleze në Universitetin Aston, ka thënë se njerëzit zakonisht shajnë në biseda të rëndomta për të shprehur habi, humor, ose për të abuzuar dikë. Ai ka theksuar se fjalët sharëse po bëhen më shpesh se disa dekada më parë.
