Janë dokumentat e Pentagonit atyre që media britanike i referohet sipas të cilave Washingtoni po planifikon vendosjen e mbushjeve bërthamore në tokën britanike me një fuqi tre herë më të fuqishme se bomba e Hiroshimës.
Një lëvizje e tillë ndodh pas 15-vjetësh për t’i kundërpërgjigjur kërcënimit rus. Në bazë të dokumentave zyrtare nga Pentagoni baza e re e Forcave ajrore britanike në Lakenheath, në Suffolk, në juglindje të Anglisë ose 75 milje në verilindje të Londrës, do të jetë vend dislokimi i bombave bërthamore të modelit B61-12.
Hera e fundit kur amerikanet kanë stacionuar mbushjet bërthamore në tokën britanike daton në vitin 2008, kur gjykohej se rreziku rus nga Lufta e Ftohtë ishte në rënie. Ndërkohë ruset janë kundërpërgjigjur përmes zëdhënëses së Ministrisë së Jashtme se Moska do të ndërmarrë kundërmasa kompensuese.
Këto plane ndodhin në kuadër të një plani të gjerë të Aleancës së NATO-s që synon zhvillimin dhe modernizimin e qendrave dhe vendndodhjen e lëshimeve të armëve bërthamore si kundërpërgjigje ndaj tensioneve në rritje mes Perëndimit dhe Kremlinit.
Vendosja e pajisjeve si mburojat balistike apo ndërtimi i ambienteve për ushtarët amerikan në këtë bazë ushtarake britanike do fillojnë në muajin qershor.
Baza e Forcave Ajrore Mbretërore britanike ka qene një nga vendet ku mbaheshin armët bërthamore dhe në vitin 2022 ka pasur protesta nga aktivistët. Këto lëvizje dhe kjo retorikë të kujton vitet e Luftës së Ftohtë dhe ishin lëvizje të tilla frenuese që garantuan paqen në Evropën e pas Luftës së Dytë Botërore deri në rënien e Perdes së Hekurt më pas.
