Interes i lartë në stendën e Shqipërisë në Madrid
Jo vetëm Europa, por Shqipëria për vitin 2024 synon të kapi edhe tregjet turistike të vendeve latine.
E pikërisht në dy ditë të panairit “Fitur” në Madrid të Spanjës, në stendat e këtyre vendeve, nga Argjentina në Kili, është promovuar gjerësisht Shqipëria me bukuritë dhe traditën e saj.
2023 u mbyll me mbi 10 milionë vizitorë, ku rritje njohën edhe vizitorët nga vendet latine, por për ministren e Turizmit kjo nuk mjafton.
Prania e Shqipërisë në panairin ndërkombëtar “Fitur” ka ngjallur interes të shtuar si nga ana e agjencive turistike ashtu edhe nga investitorët e rëndësishëm ndërkombëtar.
Ngjyra e kuqe dhe e kaltër që përfaqëson lumin e fundit të egër në Europë, Vjosën, janë të parat që bien në sy në stendën e Shqipërisë në Madrid, ku nuk mungojnë motivet tradicionale folklorike si qilimi apo dhe kalldrëmet e Gjirokastrës.
Interesit të të huajve Shqipëria i është përgjigjur edhe me prezantimin e pijeve tradicionale. 2024 është viti ku Shqipëria synon të kapërcejë 2023 i cili deri më tani është viti më i mirë turistik për Shqipërinë.
