Allegri mendon dhe përgatit surprizën e Pashkëve për Lazio-Juventus, një ndeshje shumë delikate për kualifikim në Champions League. Trajneri i Juventusit, në fakt, duket i gatshëm të riluajë me Mattia De Sciglio, madje duke nisur nga “Olimpico”.
Një lëvizje krejt e papritur, duke pasur parasysh periudhën e gjatë të pasivitetit të mbrojtësit të krahut dhe se si nuk mungojnë alternativat në rolin e anësorit. Sipas asaj që raporton “Gazzetta dello Sport”, De Sciglio ka parakaluar Iling-Junior për të luajtur në krahun e majtë të 3-5-2 të zakonshëm të Allegrit.
Një zgjidhje e diktuar pjesërisht nga ndalesat e minutës së fundit të Alex Sandro dhe Kostic. Në fakt, trajneri gjithashtu mund të vendosë Weah në të djathtë, duke devijuar Cambiaso në të majtë, siç ka ndodhur tashmë gjatë sezonit.
De Sciglio u rikthye në skuadër për ndeshjen e fundit, para pushimit të kombëtareve, pas ndalesës shumë të gjatë (këputi ligamentin e kryqëzuar më 3 maj 2023 kundër Lecce). Ajo ishte ndeshja e fundit e luajtur nga mbrojtësi i krahut.
Më pas rehabilitimi i gjatë dhe disa probleme muskulore, të cilat e shtynë rikthimin e tij. Tani, megjithatë, De Sciglio duket gati. De Sciglio, megjithatë, mund të mos jetë surpriza e vetme e Allegrit, i cili kundër Lazios duket i prirur të konfirmojë besimin e tij te Daniele Rugani, duke ulur Federico Gattin në pankinë.
Në sulm, Chiesa do t’i bashkohet Kean-it, duke pasur parasysh skualifikimin e Vlahovic dhe problemet fizike të Milik.
FORMACIONI I MUNDSHËM
JUVENTUSI (3-5-2): Szczesny; Danilo, Bremer, Rugani; Cambiaso, McKennie, Locatelli, Rabiot, De Sciglio; Chiesa, Kean.
