Disa muaj më parë, Xavi ishte shumë i qartë: Në fund të sezonit nuk do të jem më trajner i Barcelonës. Trajneri katalanas, një shtyllë si lojtar, deklaroi se korrikun e ardhshëm nuk do të ulet më në stolin e klubit Blaugrana për shkak të presionit të madh të tifozëve ndaj tij, kur nuk po vinin rezultatet. Prandaj, vendimi për të qëndruar deri në fund të sezonit dhe larguar më pas ka hapur garën për zëvendësuesin.
Megjithatë, që nga shpallja e lamtumirës së tij, Lewandowski dhe shokët e tij të skuadrës kanë ngritur kokën përsëri, duke marrë së bashku një seri rezultatesh pozitive. Janë 10 rezultate të dobishme radhazi, duke numëruar kompeticionet e ndryshme, me çerekfinalet e Ligës së Kampionëve të arritur tashmë dhe vendin e dytë në renditjen e La Liga-s, 8 pikë pas Real Madridit për momentin, pasi mundën Atletico Madridin 3-0.
Në fakt, në kampionat pati 6 fitore dhe 2 barazime pas humbjes në shtëpi ndaj Villarrealit. Megjithatë, dera e qëndrimit të tij të mundshëm në klub mbetet e hapur. Drejtori sportiv Deco foli për këtë çështje për DAZN: “Ne thamë që në fillim se Xavi e kishte rinovuar kontratën për dy sezone. Nuk ka asnjë diskutim, ai tashmë e ka shpjeguar situatën. Nëse diçka ndryshon, do të flasim për këtë, por tani nuk është koha”.
