Një shqiptar emigrant i paligjshëm ka hyrë papritur brenda një kishe në Montpellier të Francës dy ditë më parë (28 mars) duke bërtitur “Allahu Akbar” (Zoti është më i madh se të gjithë).
Gjithçka ndodhi gjatë një meshe dhe fjalët e tij në arabisht krijuan njëfarë trazire mes të pranishmëve.
Më pas emigranti shqiptar është larguar pa kryer asnjë veprim tjetër. Menjëherë u bë i mundur arrestimi i tij nga policia. Gjatë deklaratës në polici i riu është shprehur se veprimin e kishte bërë për shaka teksa kishte qenë nën ndikimin e alkoolit.
