Bricjapi
Është ndër të paktat shenjat e zodiakut që përballen me pengesat dhe vështirësitë pa ju dridhur qerpiku. Ndonëse janë njerëz punëtorë, që u shmangen konflikteve, edhe kur gjenden përballë situatave të tillë, falë inteligjencës natyrale dhe fatit, ia dalin gjithmonë mbanë. Për aq kohë sa nuk përfshiheni shumë emocionalisht në këto sfida, do të keni mjaftueshëm fat për t’i çuar në vijën e finishit.
Akrepi
Shenja e errët e zodiakut, ajo misteriozja që vetëm “pickon” njerëzit dhe i “helmon” ata me fjalë. Edhe pse shquheni për qasjen tuaj jo fort pozitive, në situatat më të vështira duket sikur fati troket pikërisht në derën tuaj. Kjo gjë ju ka ndihmuar t’ua hidhni paq shumë situava pa u sforcuar. Epo kot nuk thoni, është fati..s’ke ç’i bën.
Peshorja
Njihet si shenja më optimiste e zodiakut. Nuk bën kurrë plane dhe çuditërisht gjërat i shkojnë gjithmonë ashtu siç dëshiron. Është një ndër shenjat më të përkëdhelura të fatit, edhe pse nuk është kurrë në kërkim të tij. Duhet të falenderoni planetin tuaj, Venusin, i cili bën që ju të keni shumë fat në jetë.
Shigjetari
Është po aq faltum sa tre shenjat paraardhëse, në mos pak më shumë. Ia dilni të kaloni me sukses çdo sfidë, çdo situatë të vështirë pa u munduar fare. Duket sikur fati është gjithmonë në anën tuaj dhe ju mbron gjithmonë. Urojmë të zgjasë për shumë kohë e gjitha kjo.
