Mirlind Daku protagonist. Sulmuesi shqiptar ia ka dalë të shënojë gol në Rusi me Rubin Kazan, në ndeshjen e kampionatit ndaj Akhmat Grozny. Për futbollistin kuqezi, ky ishte goli i parë i tij gjatë vitit 2024. Në kampionat, ai numëron 5 gola.
Mirlind Daku shpreson që të shënojë sa më shumë gola dhe të luajë sa më shumë minuta të jetë e mundur, në mënyrë që të bindë Sylvinho për t’a ftuar për në Kampionatin Europian që mbahet në verë. Kujtojmë se sulmuesi kontribuoi për kuqezinjtë gjatë eliminatoreve, por nuk u grumbullua për miqësoret e marsit.
