Një aksident i rëndë ndodhi tre ditë më parë në aksin rrugor Prrenjas-Qafë Thanë ku për pasojë mbetën të plagosur 6 anëtarë të një familje. Ato u përplasën nga një automjet që lëvizte me shpejtësi. Bilanci i aksidentit është i rëndë. Një vajzë 23-vjeçare përfundoi në gjendje koma te spitali i Traumës dhe gjendja e saj mbetet kritike.
Dy motrat e saj të mitura morën gjithashtu lëndime në trup. Familja me 6 anëtarë kishte ndaluar në ambientet e një lokali, rreth 30 m larg korsisë së rrugës dhe kanë qenë jashtë mjetit të tyre kur një makinë ka humbur kontrollin dhe ka “fluturuar” mbi kokat e tyre. Për pasojë 23-vjeçarja është zënë poshtë nga dhe mësohet se ka marrë dëmtime në kokë e organet jetësore. Lëndime kanë marrë gjithashtu edhe babai i tyre Artan Pishkashi e gjyshja që ndodhej bashkë me ta. Artan Pishkashi, emigrant në Greqi, ishte kthyer në vendlindje për arsye familjare.
Automjeti që përplasi familjen drejtohej nga një 44-vjeçar nga Peshkopia i identifikuar si Jetmir Daci. Ky i fundit u ndalua nga policia pas aksidentit dhe iu bë testi i alkoolit. Siç duket nga pamjet që sjell BalkanWeb, Daci rezulton i dehur në masën 0.4 mg/ml. Ai në momentin e aksidentit kishte kryer një parakalim të gabuar dhe për pasojë doli nga rruga.
