Izraeli ka paralajmëruar se do të zgjerojë sulmet kundër armiqëve në rajonin e Lindjes së Mesme.
Duke folur në një stërvitje ushtarake në Haifa, ministri izraelit i Mbrojtjes Yoav Gallant tha se Izraeli do të zgjerojë operacionet kundër Hezbollahut dhe entiteteve të tjera që janë kërcënim për izraelitët.
“Ne godasim armiqtë tanë në të gjithë Lindjen e Mesme”- u shpreh ai ndër të tjera teksa theksoi se “ne do të preferonim një marrëveshje me Hezbollahun që të eleminojmë rrezikun e kërcënimit, por duhet të përgatitemi ëpr mundësinë e përdorimit të forcës në Liban”.
Kush është “Hezbollahu”?
I themeluar në vitin 1982 nga Garda Revolucionare e Iranit dhe i klasifikuar nga Shtetet e Bashkuara dhe vendet e tjera perëndimore si organizatë terroriste, Hezbollahu është grupi më i fuqishëm në Liban, për shkak të një milicie të armatosur rëndë, që luftoi disa luftëra me Izraelin.
Hezbollahu është lëvizje politike dhe ushtri guerile, e cila mbështetet nga popullata shiite e Libanit. Ky grupim ka ministra në qeveri dhe deputetë në Kuvend.
