Lamine Yamal (16 vjeç) është bërë një titullar thelbësor për FC Barcelona. Prandaj është logjike që emri i tij të dalë me këmbëngulje për të garuar në Euro dhe në Lojërat Olimpike këtë verë me Spanjën.
Në një intervistë me ‘Mundo Deportivo’, Yamal iu drejtua temës dhe tha se nuk do të ishte, sipas tij, “logjike të konkurronim në të dyja garat”.
“Që kur kam filluar, jam përpjekur të mos e mbingarkoj veten dhe të luaj shumë, dhe nuk do të kishte kuptim të shkoja për të dyja”,- shpjegon lojtari me katër gola në La Liga këtë sezon (në 29 ndeshje) përpara se të shtojë:
“Por padyshim, nëse më duhet të vendos, do të luaja me Spanjën dhe kjo është një ëndërr. ” Barcelona gjithashtu sqaroi: “Do të varet gjithashtu nga mënyra se si do të shkojë në Euro, por mendojmë se gjëja më e rëndësishme do të ishte të ishte në Euro”.
Shembulli Pedri
Yamal, i cili ka luajtur tashmë 40 ndeshje këtë sezon për gjashtë gola dhe shtatë asistime, dëshiron të shmangë rrezikun e punës së tepërt dhe mund të mbështetet në një shembull shumë konkret: atë të Pedrit, shokut të tij të skuadrës me ‘Blaugranët’, i cili grumbulloi probleme fizike që në maratonën e tij.
Sezonin 2020-2021 të cilin e përfundoi me gjithsej 73 ndeshje të luajtura me Spanjën dhe Barcelonën, një rekord nga i cili nuk është rikuperuar kurrë realisht.
Nëse Yamal do t’i jepte përparësi Euros, ai mund të detyrohej të merrte gjithashtu pjesë në Olimpiadë, sepse në Spanjë, në lidhje me përzgjedhjen olimpike, ligji për sportin i vendosur në 30 qershor 2013 – më pas u rimiratua më 30 dhjetor 2022 – i detyron klubet të lejojnë ndërkombëtarët e tyre t’i bashkohen ‘La Roja’ në funksion të afateve ndërkombëtare.
