Turneu ndërkombëtar “Paganini in Jazz” do të vijë dhe në Shqipëri, në Tiranë në Teatrin e Operas dhe Baletit. Në TKOB do të vijë violinisti Ettore Pellegrino, grupi “Trio Nosso Brasil” dhe Orkestra “Suoni del Sud”, nën dirigjimin e maestros Roberto Molinelli, që drejtoi në janar të këtij viti Orkestrën Simfonike të TKOB-së te koncerti “Queen: Show must go on”. Një udhëtim i veçantë ndërmjet muzikës klasike dhe asaj jazz, ku do të interpretohet “Capricci” e Niccolò Paganini. Koncerti do të zhvillohet me 22 Prill në orën 19:00 dhe premton të jetë një festë e vërtetë për gjithë fansat e muzikës klasike. A.K./TemA
