Për të mbrojtur imazhin e Shqipërisë, kundër dokumentarit të emisionit “Report” në “RAI3 kryeministri Edi Rama nisi një fushatë sqarimi në të gjitha mediat italiane. Gazetat më të rëndësishme atje si “La Stampa”, apo “Il Giornale” kishin në faqet e tyre të para titujt se Shqipëria po njolloset për të goditur kryeministren Meloni duke të kujtuar kohën e komunizmit.
Nuk ka se si të mos më lëndojë, thotë Rama në intervistat e tij kur e shoh Shqipërinë të sulmuar në atë mënyrë të neveritshme nga Rai, sikur të ishte rihapur një faqe e zezë në historinë e shtypit italian, kur fjala shqiptar përdorej si sinonim për kriminelë, trafikantë, hajdutë dhe prostituta dhe vetë Shqipëria trajtohej si burim i së keqes”. Ndërkohë në një tjetër reagim të publikuar në X drejtuar Sigfrido Ranucci drejtues i emisionit Report të cilit i thotë se në të njëjtin televizion shqiptar të njëanshëm, vijoi në përhapjen e së njëjtave shpifje të importuara më pas në Itali nga Report.
“Keni thënë se do të ishte më mirë t`ju kontaktoja drejtpërdrejt, ja ku jam këtu në kontakt të drejtpërdrejtë me ju por para syve të të gjithëve, sepse me gjithë shtrembërimet e një të vërtete të vetme dhe të thjeshtë që pata fatkeqësinë, por edhe fatin ta përjetojë në lëkurën time në harkun e vetëm 72 orësh, nuk kam guximin të komunikoj me ju pa dëshmitarë”. Unë, thotë kryeministri Edi Rama kam për detyrë të ngulmoj për të nderuar të vërtetën e nëpërkëmbur nga ai program brutal, dhe të mos dorëzohem në mbrojtjen e Shqipërisë dhe institucioneve të saj, duke përfshirë edhe rolin e saj në marrëveshjen dypalëshe me Italinë.
“Nëse programi juaj ka çdo të drejtë të kritikojë duke bombarduar qeverinë e vendit të tij, ai nuk ka të drejtë ta bëjë këtë duke njollosur vendin tim dhe fjalën shqiptar me shpifje. Është gjithashtu për të ardhur keq që ju e krahasoni telefonatën time shumë civile si një ‘pjesë të dëmtuar’ nga veprimet tuaja, ndaj ndërhyrjeve të Kremlinit që do të realizohej sipas planit të tij. Të paktën për respektin ndaj viktimave të Kremlinit, nuk do të krahasoja kaq lehtë poloniumin e përdorur për të dënuar kundërshtarët e papërshtatshëm me vdekje, për një telefonatë që ndodhi pas një censure”. Kryeministri Rama i thotë gazetarit italian se ai censuroi përgjigjet e kërkuara dhe më pas sulmohen ata që nuk janë përgjigjur.
“Meqenëse jemi te faktet, më vjen keq kryesisht për shtrembërimin e asaj që tregoni si dokumente gjyqësore në lidhje me vëllain tim, duke qenë se akte të tilla jo vetëm që nuk ekzistojnë, por pikërisht kjo është tashmë objekt i një ankimimi gjyqësor për shpifje këtu në Shqipëri, një rrethanë që në një transmetim të thelluar investigativ siç pretendoni ta arrini, të paktën duhet përmendur për të shmangur riprodhimin pa kritikë të stereotipit të një epoke tjetër të shqiptarit të interesuar vetëm për drogën dhe të një Shqipërie të korruptuar nga koka e këmbët.
Sigfrido Ranuccit drejtues i emisionit Report, kryeministri Rama i bën edhe këtë propozim”.
“Unë deklarohem i gatshëm për të marrë pjesë në episodin e radhës të “Report” me kushtin e vetëm që ndërhyrja ime të bëhet live, pasi nuk e fsheh frikën se pasi ta regjistroj me mirëbesim mund të përfundojë në mulli të censurës tënde, duke pasur parasysh këto precedentë të rëndësishëm në të cilat ju keni censuruar më parë, më pas ofendoni pa bazë dhe në fund akuzoni për përsëritje të modelit të Kremlinit, kur, nëse ka ndonjë gjë, do të kishte arsye për të dyshuar të kundërtën”.
