Disa pamje të ushtarëve ukrainas që përshëndeten me partneret e tyre janë bërë publike nga mediat e huaja. Mësohet se pamjet janë filmuar në stacionin hekurudhor në Kramatorsk, në Ukrainën lindore, ku parneret e tyre kanë shkuar për t’i vizituar.
Burrat ishin në një pushim të shkurtër nga detyra e vijës së parë të frontit dhe menjëherë pas puthjeve e përqafimeve të shkëmbyera, ata janë rikthyer sërish në detyrë, ku nuk dihet nëse do të mbijetojnë nga sulmet ruse. Kujtojmë se që nga nisja e luftës në Ukrainë në 24 shkurt të vitit 2022, mijëra persona, civilë dhe ushtarakë, kanë humbur jetën si pasojë e agresionit të pajustifikuar të Rusisë ndaj fqinjit të saj perëndimor.
