Sekretari i Përgjithshëm i NATO-s, Jens Stoltenberg deklaroi se aleanca nuk ka në plan të dërgojë njësi luftarake në Ukrainë, megjithëse disa nga aleatët kanë këshilltarë ushtarakë atje.
“Nuk ka plane për ndonjë prani luftarake të NATO-s në Ukrainë, por sigurisht disa aleatë të NATO-s kanë burra dhe gra me uniformë në ambasadat e tyre që japin këshilla,” tha ai në një intervistë për MSNBC .
“Unë mendoj se ne duhet të bëjmë dallimin midis njerëzve me uniformë që mund të jenë të pranishëm ose janë të pranishëm dhe pranisë luftarake dhe pranisë së forcave luftarake. Dhe ne nuk kemi plane për praninë e këtij lloji. Ajo që bëjmë në Ukrainë është që t’i ndihmojmë ata të mbrojnë veten”, tha ai, duke shtuar se mbështetja e NATO-s “nuk është bamirësi, është një investim në sigurinë tonë”.
“Ndihma ushtarake e Shteteve të Bashkuara dhe NATO-s për Ukrainën është vonuar shumë, por vonesat kanë pasur pasojat e tyre”, shtoi Stoltenberg.
