Kristiano Ronaldo vazhdon të mos sigurojë trofe me AL Nasr dhe duket se kjo po e ndikon futbollistin i cili po dhuron gjithnjë e më shumë gjeste të shëmtuara në fushën e lojës. Në ndeshjen e sotme të Superkupës së Arabisë Saudite, për këtë arsye ai e ka përfunduar takimin para kohe, duke u ndëshkuar me karton të kuq.

Skuadra e tij luante përballë Al-Hilal, në gjysmëfinalet e turneut ku golat e Al Dausari dhe Malkom i dhanë avantazhin rivalëve, ndaj Ronaldo u shfaq shpesh i nervozuar në vijimin e sfidës.

Pak minuta para fundit të ndeshjes, ai shprehu gjithë nervozizmin e tij duke goditur me bërryl një kundërshtar, për t’u ndëshkuar me karton të kuq për sjellje josportive.

Sadio Mane shënoi gol në minutat shtesë të ndeshjes, por në fund fitorja i shkoi Al Hilal me shifrat 2-1, duke sjellë eliminimin e radhës të Al Nasr.

ARTIKUJ TE NGJASHEMME SHUME